v a n g a v e l t u r & v i t l e y s a

Clueless og óskipulögð

Einhverra hluta vegna er ég algjörlega sammála um að ég sé að missa af internetinu.

Sami rúnturinn, 70% blogg, 30% fréttir, er farinn daglega og fátt nýtt dettur inn. Ég er enn í því að sumar síður eru í bookmarks og aðrar man ég bara og hef t.a.m. ekki nýtt mér RSS feed af neinu viti. Að sama skapi er ég viss um að ég gæti skipulagt tíma minn betur og verið afkastameiri, ef ég bara vissi hvernig...

Þannig að, þið vinir mínir sem nýtið ykkur feedin og lumið á góðri tímastjórnunartækni megið endilega deila leyndarmálum ykkar með mér í kommentakerfinu. Það væri mjög vel þegið. Sömuleiðis ef þið vitið um fréttasíður eða blogg sem mér sem tölvuleikjaframleiðanda væri óhollt að missa af.

Hvernig finnst ykkur svo nýja lúkkið? Ég er ekki alveg nógu ánægð með það en það var kominn tími á breytingar... Ef einhver er klár að layoutera blogg og langar að eiga inni hjá mér greiða má sá hinn sami endilega gefa sig fram.

P.s. - ég á núna fallegasta tæki í heimi og enga peninga.

Ég gleymdi næstum því...

... að á sunnudaginn komst ég að því að ég á sama afmælisdag og Astrid Lindgren.

Það er svalasta nýja staðreyndin í höfðinu á mér þessa dagana.

Nokkrir nýir linkar & gort

Í framhaldi af þarsíðustu færslu ákvað ég að henda inn nokkrum linkum á skemmtilega bloggara.

Fyrsta ber að nefna þá félaga mína Svenna og Krilla. Hvor um sig er klár, skemmtilegur og hefur sitt hvað fram að færa.

Í annan stað eru það næstum því nöfnurnar Anna og Annie. Hvoruga þekki ég persónulega, en hins vegar eru bloggin þeirra stórskemmtileg. Anna hefur fullkomnað undarlegan internetveruleika með fjölda þátttakenda og furðulegum þráðum í kommentakerfinu, og Annie, sem ég hef einu sinn í hitt, en þá um nótt á Kaffibarnum svo það telst ekki með, hefur kosið sér það hlutskipti að búa á Íslandi og bloggar skemmtilega um daglegt líf. Frábær húmor og meinfyndnar sneiðar til Íslendinga á köflum.

Síðust, en alls ekki síst er það hin rúmlega fimmtuga Liz, sem býr í Louisiana, ræktar rósir, heldur hunda, á gorgeous málarakærasta og myndarlega syni, og lyftir lóðum. Hún skrifar langar, vel skrifaðar og rökstuddar færslur um alls kyns hluti og hausinn henni virkar betur en hjá okkur flestum.

***

Rústaði Hetjunni í badminton í gær, þrátt fyrir ákafar yfirlýsingar hennar um yfirvofandi ósigur minn. Muahahaha! Rematch eftir viku.

Saga dagsins

... er í boði Fanneyjar. Greðilegt ál!

5 gagnslausar staðreyndir

Fanney klukkaði mig svo ég deili 5 gagnslausum staðreyndum um konuna á bak við víraða álfinn.

#1 - Þegar ég var 11 ára lærði ég utan að nöfn allra íslenskra stóðhesta með kenninúmer á bilinu 960 - 1140. Á góðri stundu (eftir of marga bjóra) gæti ég beðið óheppinn einstakling að nefna númer á þessu bili og athuga hvort ég myndi eftir klárnum.

#2 - Ég vil hafa hluti samsíða, hornrétta, ferkantaða eða kringlótta. Ég veit ekki af hverju - en held að fegurðarskyn mitt sé evklíðskt.

#3 - Mér finnst pizza & ísköld mjólk brjálað combo.

#4 - Ég er haldin tækjalosta á háu stigi - en verð skelfingu lostin við tilhugsunina um að þurfa að læra á grafískan vasareikni.

#5 - Ég get ekki skrifað með hvaða penna sem er á hvaða pappír sem er.

Ég klukka Sóleyju og Bryndísi Ísfold

Bitar & bæti

Hér á netmogganum má sjá að Samsung hefur kynnt nýja 16 megabita minnisflögu og að í kjölfarið muni fylgja bylting í vistun gagna. Gott og vel.

Getur hver sem er skrifað fréttir á netmoggann? Og er tölvufréttamannveran svo skyni skroppin og lítið upplýst um hvað hún er að gera að hún gerir ekki greinarmun á bita og bæti. 1 bæt = 8 bitar. Þetta vita grunnskólabörn. Og hvað í fjandanum er "minnisflaga*"?

Q.e.d.

Hmmm... bein þýðing af memory chip kannski? Fávitar.

Stumble

Kæru lesendur, vinir og vandamenn.

Treystið mér þegar ég segi ykkur að þetta er mesta snilldartól internetsins í dag (hugsanlega á eftir google og wikipedia). Ekki efast, downloadið þessu og brunið  eftir upplýsingaofurhraðbrautinni með sýndarvindinn í hárinu.

Happy stumbling :)

Belja í fangelsi...

Meira annarra manna blogg

Þessi færsla af blogginu In the middle of everywhere er ansi góð. Meira sci fi - já takk.

Víraði álfurinn tveggja ára!

Þá eru liðin tvö ár síðan þessi færsla leit dagsins ljós og víraði álfurinn varð til. Upphaflega var hún hýst á blogspot og leit svona út en þar voru engan veginn nógu margir fídusar fyrir tæknigemlinginn og því var hún flutt á typepad - sem kostar peninga, en hvað um það.

Í upphafi var meiningin að nafngreina engan, allra síst víraða álfinn, og skrifa hispurslaust um menn málefni og hugsanir, en það datt fljótlega upp fyrir enda allt of mikið vesen. Tilgangurinn með blogginu er enn jafnóljós og hann var í upphafi, helst þó sá að fá útrás fyrir hugsanir og hugmyndir og pikkþörfina.

Stundum finnst mér bloggið óskynsamlegt, ég segja allt of mikið og frá of mörgu sem snertir mig persónulega. Kannski er ég ekki rétta manneskjan til að meta það, hins vegar er ljóst að bestu mómentin og verstu móment undanfarinna tveggja ára eru hérna inni, misvel falin. Ég er samt ánægð með hvernig þetta hefur þróast og mér finnst gaman að blogga. Annars myndi ég ekki gera það.

Og í dag er svo föstudagur, síðasti dagur fyrir sumarfrí sem hefst á Laugarvatni í karateæfingabúðum og verður varið að hluta í borg draumanna, Kaupmannahöfn.  Svo er það ágúst sem vonandi verður varið í frágang og undirbúning þar sem ég er að skipta um vinnu, kveð lyfjarisann sem hefur verið mér góður og geng til liðs við lítinn risa í öðrum bransa og geri allt aðra hluti.

Lífið er gott.