v a n g a v e l t u r & v i t l e y s a

Kommentakerfi

handa konunni sem krafðist þess að fá að tjá sig :) Gjörðu svo vel. Þið hin megið líka segja eitthvað.

Dreymdi svo illa í nótt

að ég vaknaði rúmlega sex og gat ekki sofnað aftur. Í draumnum dó maður sem ég á mikið að þakka en er ekki lengur í lífi mínu. Og það sem verra var - það kom engum á óvart að hann dæi. Óhuggulegt - vona að honum líði ekki illa.

Til þess að fullkomna vikuna góðu hringdi loftnetsviðgerðarkallinn í mig áðan og tjáði mér að leigusalinn minn væri ekki tilbúinn til að leggja í neinn kostnað við að redda loftnetinu heima hjá mér. Hmm... best að litli álfurinn græji stiga og vírklippur og fullt fullt af heppni. Það getur ekki verið svo flókið að redda þessu sjálfur.

En í dag er samt gaman - sjarmerandi samstarfsmaðurinn minn er fertugur í dag svo hér eru kökur og kaffi og söngur og gleði :)

Hvernig er hægt

að keyra fram hjá Húsafelli??? Mér tókst það að minnsta kosti - frekar heimskulegt í ljósi þess að þangað hef ég komið tvisvar undanfarið ár. En allavega - ljúft að vera í sumarbústað heila helgi - hugsað, spjallað, hlegið og sofið. Vinkonur mínar fóru í matarslag - en verandi fullorðin og þroskuð manneskja tók ég ekki þátt í því.

Mér fannst Húsafell við hæfi sem sumarbústaðarhugsunaráfangastaður og því hlutverki sinnti það sæmilega. Mig langaði til þess að klára það sem ég byrjaði á þar en það tókst ekki 100%. En það skiptir svo sem ekki öllu máli - tilfinningar sinna sínu hlutverki og það ber að virða, jafnvel þó þær séu sárar.

Kom úthvíld í bæinn á sunnudegi og fannst einkennilegt að ég skyldi reka bílinn minn niður eftir allar hraðahindranirnar á Barónstígnum. "Hmmm... ætli það sé sprungið?" hugsaði ég og gleymdi því um leið. Var svo á leiðinni að sækja eðalköttinn minn í pössun þegar ég rak augun í flatt framdekk. Þetta hefur ekki alveg verið mín vika. En brósi kom loksins og lagaði - boltarnir náttúrulega svo fastir að ekki var nokkur leið fyrir okkur vinkonurnar að græja þetta sjálfar. Lærdómur sögunnar er því að konur án kærasta verða að eiga loftpressu.

Tæklaði stýrikerfin af alkunnri snilld með aðstoð Matlab og get því leyft mér að taka því rólega í kvöld :)

Ég var að vona að ég væri sci fi eða fantasy :(

What fiction genre are you?
brought to you by Quizilla

Þetta er akkúrat helgin

til þess að fara í sumarbústað. Úff hvað verður gott að komast út úr bænum og út í sveit. Stefni á að eyða tímanum í algjöra vitleysu og afslöppun og koma heim með hlaðin batterí. Og þá bíða eftir mér æsispennandi stýrikerfi...

Mér finnst að góðhjörtuð sál

ætti að gefa mér svona spil! Ef af því yrði myndi ég kaupa wiský og vindla og bjóða til pókerkvölds.

Bergstaðastræti er stórhættuleg gata!

Volkswagen bifreiðar og Bergstaðasræti eiga ekki saman. Um daginn straujaði einhver asni froskinn minn og í morgun var keyrt á samstarfskonu mína í þessari sömu götu. Hún vissi að ég var ekki lögð af stað í vinnuna svo hún hringdi og bað mig að sækja sig því bíllinn hennar var óökufær. Við stússuðumst eitthvað og ég hringdi í vinnufélaga minn til að útskýra seinaganginn í okkur. Þá sagði hann: "Well, she had an accident and she calls the world´s leading car crash expert, you?" og svo hló hann bara að mér. Hrmmmph - ekki alveg sátt.

Ég er svolítið munaðarlaus

í skólanum og þekki eiginlega engan sem er með mér í kúrsum. Þess vegna var skemmtilegt áðan þegar tveir mismunandi hópar buðu mér að vera með í hópverkefni sem er að bresta á.

Regardless of the image you

Regardless of the image you present to observers, underneath the surface is a calculating machine on which you count the advantages and disadvantages of every association or friendship, every social contact and social function.

Í dag sá ég mann

tala um að þvottavél sem hossaðist væri dæmi um óstöðugt stýrikerfi. Nemi í þvottavélinni myndi slökkva á vindunni og "hræra betur í fötunum" eins og hann orðaði það. Í því hringdi síminn hans - og hringitónninn var þjóðsöngur Skagfirðinga, Undir bláhimni. Og fólk segir að ég sé skrýtin...