v a n g a v e l t u r & v i t l e y s a

Ég skil ekki

hvernig fólk fer að því að hafa mikið að gera og klúðra ekki. Undanfarið hef ég haft mikið að gera og ekkert nema gott um það að segja, það er gaman að koma miklu í verk og vera duglegur. En stundum finnst mér eins og ég sé að reyna að halda of mörgum boltum á lofti í einu. Skipulag er e.t.v. lausnin, en nú er ég frekar skipulögð og hef ekkert verið að eyða tíma í vitleysu upp á síðkastið. Og það er ekki eins og ég eigi barnaskara sem ég þarf að sinna eða frekjudósareiginmann sem gargi á kvöldmatinn klukkan sjö. Hvernig fer annað fólk að þessu?

Vá frábært!

Menn gætu lifað í hundruð ára! Í þessari frétt kemur fram að með genabreytingum á ormum hafi eðlilegt æviskeið þeirra verið sexfaldað... Ég er alveg að sjá hvernig þetta fjarlægir nokkur vandamál. T.d. væri hægt að læra allt sem maður hefur áhuga á í háskóla - nógur tími... En svo er alltaf spurningin hvort maður væri til í að láta fjarlægja æxlunarfærin. Planið gæti t.d. litið út á þessa leið: Láta frysta sig á meðan reynsla kemst á þessa tækni og svo smella sér í þetta þegar byrjunarörðugleikarnir hafa verið slípaðir af. Hmmm... en ætli maður yrði ekki klikkaður af því að vakna eftir tvöhundruð ár og láta þá gera á sér einhverja undarlega aðgerð... Og ætli geimverurnar verði lentar þá?

úff hvað ég er týpísk stelpa...

... endalaust að gera einhver quiz - en núna hætt og farin að vinna...

You're a determined girl. What

You're a determined girl.


What kind of girl are you? (anime pics)
brought to you by Quizilla

Fjöldamorðingjablogg...

... Fjöldamorðingjar eru flestir karlmenn. Fyrir utan Myra Hindley veit ég ekki um neinn kvenkyns fjöldamorðingja, hugsanlega fyrir utan bandaríska vændiskonu sem drap þónokkuð af kúnnunum sínum. Það gæti þó hafa verið bíómynd. En ég get nefnt fullt af karlkyns fjöldamorðingjum. Ed Gein sem Slayer gerðu ódauðlegan í "Dead Skin Mask" en Gein fláði fórnarlömb sín og notaði andlitshúðina sem grímu. Hmmm.... Einn getur ekki verið fullt og sá eini sem mér dettur í hug í viðbót er Ted Bundy sem ég man ekkert um nema að hann þótti ótrúlega sjarmerandi og allir voru voða hissa að hann væri viðbjóðslegt skrímsli.

En það var ekki punkturinn. Hvað er það sem fólk fær út úr því að drepa fullt af öðru fólki og geyma það í frystikistu heima hjá sér? Eða að flá fólk og nota andlitshúðina sem grímu? Ég er ekki frá því að rannsóknir sýni að fjöldamorðingjar séu yfirleitt frekar vel greint fólk og að yfirleitt sé ekki um geðveiki að ræða. Tilfinningaleysi? Siðblinda? Flestum hlutum er hægt að velta fyrir sér frá ýmsum sjónarhornum, ræða við aðra til þess að fá fleiri skoðanir og reyna að öðlast einhvers konar skilning eða að öðrum kosti sátt við viðfangsefnið. Eins og t.d. vaxtarrækt. Fyrir mér er hún fáránleg - en ég get þó skilið að það að stefna markvisst að bættum árangri blandað með góðum slatta af hamslausum narcissisma sé eitthvað sem heldur fólki við efnið. Ég get ekki náð þessari sátt og skilningi við hvötina (eða hvatirnar) sem liggja að baki fjöldamorðum. Þegar ég hugsa málið eins langt og ég kemst varðandi fjöldamorð byrjar eitthvað inni í mér að mótmæla - mér verður kalt í hjartanu. En ég er samt forvitin og langar að spá lengra.... Undarlegt

Your serial killer name would

Your serial killer name would be Diablo! You would
be a mastermind in what you do. You would come
up with perfect plans on how to do your bad
stuff, and send out your minions to do it for
you. That would prevent you from getting
caught, because for one reason, they would not
rat you out. Your real name might not be known
and you would be greatly wanted, because as
long as you're out on the hidden streets, there
will still be danger! You're the big guy/girl!


What Would Your Serial Killer Name Be? What Would the Public Know You As?
brought to you by Quizilla

Íííííííha - það er að koma helgi!

Ekki það að það skipti höfuðmáli þar sem það er skóli báða dagana frá 9 til 5. Hversu súrt er það? Eins gott að mér finnst gaman að læra. Vikan búin að vera alveg crazy og það lítur ekkert út fyrir að þar verði lát á á næstunni. En í kvöld á ég alla vega frí og get haft það kósý.

Held að færslan hér að ofan sé sú innihaldslausasta síðan ég byrjaði að blogga...

Hvað er það við nóttina?

Ótrúlegt - ég læri heilan dag og kemst varla áfram í námsefninu - svo slær klukkan ellefu og það kviknar á heilanum á mér. Sat við megnið af gærdeginum en afkastaði tvöfalt meira milli 23 og 03 en allan daginn á undan...

Annars held ég að ég geti svarað spurningunni um nóttina sjálf - það er einhver kyrrð og friður sem ég upplifi ekki á daginn. Einhvers konar hyperclarity.

Prófið gekk þokkalega held ég - vona það a.m.k. En núna - læra meira...

Zzzzzz zzzzz zz zz zz...

Syfjuð og á eftir að gera milljón skrilljón hluti... sækja mömmu á flugvöllinn, skrifa minn hluta í verkefni sem ég á að skila á fimmtudag og byrja að læra fyrir prófið sem ég er að fara í á miðvikudaginn... Hvernig datt mér í hug að skrá mig í sjálfvirk stýrikerfi??? En jæja - nenni ekkert að grenja yfir Bjössa bónda - safna bara liði og rústa þessu! Gott plan.

Prímahelgi annars - gott kokteilboð heima hjá mér á föstudaginn og nú á ég hristara og fullt af nýjum fínum glösum. Vinum mínum finnst þó ekki mikið til tónlistarsafns míns koma... Snilldarafmæli á laugardaginn - takk fyrir mig

Ég er klikkuð!

Ef það er eitthvað sem mér hefur þótt hallærislegt hingað til, þá er það bíladella. Þangað til að ég smitaðist sjálf af henni. Stóð mig að því þegar ég var að keyra í vinnuna í morgun að horfa á glansandi svartan Golf með dökkri afturrúðu og segja stundarhátt: "Vá hvað þú ert flottur." Ekki þessi - heldur þú? Hvað er það? Ætli það sé til Volkswagen Anonymous?