v a n g a v e l t u r & v i t l e y s a

Farin til Krítar...

Hugsiði fallega til mín

"Meðal pyntingatækjanna voru tól sem myntu á miðaldir, þar á meðal svonefnd járnmaddama, kista með göddum að innan, sem íþróttamenn voru neyddir til að leggjast í, og svipur með stálkúlum á stærð við tennisbolta á endanum."

Af mbl.is

Afsakið mig - en tól sem MYNTU á miðaldir?! Og hvað er með lengdina á þessari málsgrein?

Klukkan er sex að morgni - ég er nýkomin inn eftir viðburðaríka nótt með Skrímslunni - og það merkilegasta sem ég hef að tjá mig um er bleslinda næturvarðarins á netmogganum. Kannski er kominn tími á að verða fullur og gera skandal?

En já - sá einn sem var tall, dark & very handsome. Og ég hef hitt hann áður - sparkaði í hann þegar hann var í gifsi og með hækjur...

Stefnumót við meistarann

Þann 6. nóvember n.k. mun ég ásamt 2.499 öðrum hlýða á Nikulás Helli og Hin slæmu fræ fremja tónlist í Glasgow.

Það þykir mér tilhlökkunarefni.

:)

Var ég búin að tjá mig um hvað lífið getur verið frábært?

Ég á frábæra fjölskyldu
Ég á frábæra vini
Mér finnst gaman í vinnunni
Mér finnst gaman að læra
Ég elska köttinn minn
Línuhúsið er æði
Ég er að fara til Krítar á mánudaginn ...

;)

IT decreases time & space

"We live in a shrinking world. Cyberspace - once described by author William Gibson as a "consensual hallucination" - is the seventh continent. We no longer have a workplace - we have a workspace - and a livespace. The new immigrants will be virtual ones, taking jobs from someone else without even showing their faces. Instead of moving people, we are beginning to move their thoughts and ideas. It is an entirely new ball game - with entirely new rules. And, most organizations do not adapt - they die."

Funky Business - bls. 61.

Er ekki verið að grínast með hvað þessi bók er svöl? Snoðuðu akademíkerarnir kvóta William Gibson. Aaarghhh - of skemmtilegt :)

Góðar fréttir!

Meistarinn sjálfur ætlar að gefa út plötu í haust. Og það tvöfalda! Víhí. Nú er kátt í höllinni, höllinni, höllinni....

Tebolli, köttur, nótt...

...og Funky Business

Funky Business tells us that the new world is different. Forget the old world order. Forget what you knew yesterday. The revolutionary reality is that 1.3 kilograms of brain holds the key to all our futures. Competitive advantage comes from being different. Increasingly, difference comes from the way people think rather than what organizations make. Today, the only thing that makes capital dance is talent. In such times we cannot have business as usual - we need funky business.

Er þetta science fiction eða management science?

Sitt lítið af hvoru sýnist mér. Og mjög spennandi.

Tuttuguogfimm og miðaldra - pt II

Nú er ég búin að vakna ein í litla húsinu mínu í ca. hálft ár. Það er ekki mjög langur tími - en mér hefur tekist að búa mér til morgunrútínu sem hvaða miðaldra kona sem er gæti verið stolt af.

Vakna
Geispa
Sturta
Stökkva með handklæðið fram og kveikja undir kaffinu
Þurrka
Taka kaffið af og setja mjólkina á helluna
Klæða
Búa til Latte
Búa til morgunmat
Lesa Fréttablaðið yfir Latte og morgunmat

Mæli með þessari rútínu sem ég brýt helst aldrei upp. Í morgun gerði ég undantekningu og bjó líka til marineringu fyrir kjúklinginn sem verður snæddur í kvöld.

Já - tuttuguogfimm og miðaldra

Masókismi?

Mánudagur - enn eina ferðina.

Súperrólegheit í vinnunni minni, enda allir í fríi nema ég og tveir aðrir.

Furðuleg helgi að baki. Fór í enn eina útileguna með Brósa og nýja tjaldið og að þessu sinni var stefnan að ganga Emstrur, síðasta hluta leiðarinnar frá Landmannalaugum inn í Þórsmörk.

Það var ekki inni í myndinni að eyða báðum kvöldunum í vel þekktu grænu tjaldi með fyrrverandi en það var nú samt það sem gerðist.

Jamms - tvö kvöld í tjaldi með sex öðrum manneskjum - þar af einu pari samsettu úr fyrrverandi og hans núverandi. Frábært.

Emstrugangan var skemmtileg þrátt fyrir rigningu á köflum.

Mikið er nú gott að það er mánudagur.

Dilbert dagsins