v a n g a v e l t u r & v i t l e y s a

Mánudagur á þriðjudagsmorgni

Jæja, páskafríið búið og kominn tími á að hefjast handa. Hmmm... ég nenni því eiginlega ekki. Langar bara að kúra meira í sófanum og og horfa á West Wing og láta heiminn hamast fyrir utan gluggann minn eins og undanfarna daga.

En það er víst ekki í boði.

Hversu aumt er þetta?

Grumpy from hell

Einhverra hluta vegna er ég búin að vera geðveikislega pirruð megnið af eftirmiðdeginum. Kemur ekki oft fyrir og er alltaf jafnleiðinlegt.

Spurningin er hvort réttu viðbrögðin séu:

#1 - Að drífa sig í ræktina og hlaupa þetta úr sér

#2  - Að drífa sig á kaffihús og fá sér einn kaldan

Hmmm...

Ástin lifir að eilífu!

Alla vega hjá sumum :)

Í dag giftu sig Sigurður Þór (gamall félagi minn úr 5kólablaðinu) og Berglind, barnsmóðir hans og kærasta til margra ára.

Athöfnin fór fram í Dómkirkjunni og veislan var í sal Karlakórsins Ýmis. Hvort tveggja var fallegt og frábært og þau voru ástfangin og hamingjusöm. Sem er æði : )

Víraði álfurinn óskar brúðhjónunum langlífis og hamingju og vonast til að finna sjálfur manneskju sem kveikir þennan glampa í augunum. Þangað til verður tækjalostinn að duga ;)...

Tilvistarkreppa & frábærir félagar

Mér er tvennt ljóst:

#1 - Ég á frábæra vini sem gera ótrúlegustu hluti

#2 - Ég er í tilvistarkreppu og það þarf eittthvað að gerast

Best að setja hugsanavélina í gang af alvöru.

Góðar hugmyndir vel þegnar.

Hin fullkomna gjöf

Þið hljótið að vera að grínast! Það er til kona sem býr til skartgripi sem eru eins og sérhannaðir fyrir víraða álfinn... Sjá hér.

Fann þessa síðu á linkalistanum hjá vinum mínum á ShinyShiny, snilldarstelputækjafetishsíðunni sem ég væri sko alveg til í að skrifa fyrir.

En já - vinna...

Höfuðborg heimsins

Hér má sjá útsýnið út um gluggann á 36. hæð byggingarinnar þar sem íslenska sendinefndin við Sameinuðu þjóðirnar er með skrifstofur. Ekki leiðinlegt að hafa þetta fyrir augunum á hverjum degi.

Borgin heillaði mig algjörlega upp úr skónum og það er alveg ljóst að þangað á ég eftir að koma oft. Ferðin var eiginlega frábær í alla staði og ég veit ekki hvernig ég get komið henni til skila.

Skoðaði byggingu Sameinuðu þjóðanna, MOMA, campusinn hjá Columbia háskóla, margar götur og nokkrar búðir auk frábærra klúbba og veitingastaða. Þessi borg hefur það allt. Ég skil ekki hvernig fólkið þarna getur verið í eðlilegum holdum miðað við hvað maturinn er góður.

Gerði heiðarlega atlögu að þessari risavöxnu gulrótarköku en varð að gefast upp - og er ennþá södd.

Lenti á fimmtudagsmorguninn eftir snilldarheimferð og spændi beint í vinnuna, enda er ég ómissandi. Síðan þá er búið að vera Kleppur - Hraðferð að gera og það er bara fínt. Skóli, vinna, karate, djamm og samvera með vinum og fjölskyldu.

Stundum held ég að lífið sé fullkomið...

Mmmmm... yndislegt

Uppi í sófa í kósý íbúð í West Village eftir viðburðaríka tvo daga í stóra eplinu. Er að melta atburði dagsins á meðan ég fylli frábæra bleika tækið af tónlist til að taka með mér á röltið á morgun. Fer með Birnu í vinnuna að skoða byggingu Sameinuðu þjóðanna og mun svo eyða megninu af deginum ein að skoða.

Allt er gott :)

Á síðustu stundu...

Sex og hálfur tími í brottför og ég er í vinnunni, á eftir að pakka og svaf lítið í nótt. Hljómar kunnuglega?

Alla vega - ekki laust við nettan fiðring í maganum.

Hafið það nú gott í fjarveru minni ;)

Blessuð sé minning hans

Kannski er ég vond - en mér finnst þetta hilarious :)

Bjórdagurinn!

Í dag fagna allir góðir menn og konur - það eru sextán ár frá því bjórinn var leyfður á Íslandi.

Hugsanlegt er að Bölið verði heimsótt í kvöld...