v a n g a v e l t u r & v i t l e y s a

?!

Afsakið mig, ég bara get ekki að þessu gert - mér finnst Þorgerður Katrín sem karlmaður mjög foxy.

Hvað er að mér?

***

Nýja vinnan frábær og ég á fullt af nýjum græjum. Meira um það síðar.

Mánudagsmorgunn

Sit uppi í sófa í litla kassanum mínum með hjartslátt og veit ekki hvar ég á að byrja. Ekki að verkefni dagsins séu margbrotin eða flókin en einhverra hluta vegna vaxa þau mér í augum.

Kannski það sé vegna þess að á morgun er fyrsti dagurinn í nýrri vinnu...

Helgin annars alveg frábær - hófst á Pubquiz á Grandrokk með fyrrverandi vinnufélögum og þaðan var svo haldið á Lækjarbrekku í þriggja rétta máltíð, rauðvín og mikið spjall. Skemmtilegt kvöld með skemmtilegu fólki sem ég á eftir að sakna.

Afganginum af helginni hefur svo að mestu leyti verið varið í sófanum eða rúminu í knús og vídjógláp. Hreint ekki svo slæmt

Úff - verð að stökkva af stað og gera eitthvað - fer annars yfir um í sófanum...

Súpermegaofursvalt!

Hugrenningar um 11. september

Hér má lesa hvað írösk stúlka hefur um 11. september að segja. Tékkið endilega á þessu.

Eftir viku

... mun ég sitja í nýjum stól við nýtt skrifborð í nýrri vinnu.

Þrjú ár sem verkefnastjóri hjá Delta, svo Pharmaco og loks Actavis liðin og það frekar hratt. Man eftir því að hafa komið sólbrún og sælleg frá Túnis úr útskriftarferðinni minni, tuttuguogþriggja og rennblaut bak við eyrun. Þá settist ég niður með By the Way í eyrunum og setti mig inn í efnafræði, einkaleyfi, framleiðslupælingar og samskipti fólks.

Svo stutt en samt óralangt síðan.

Núna er kominn tími á að endurtaka leikinn. Sennilega verður eitthvað annað í eyrunum á mér þegar ég sökkvi mér ofan í nýjan bransa með nýjum reglum. Ég sjálf er minna blaut á bak við eyrun og verð fljótari að koma mér í gang.

Hjartsláttur og hnútur í maganum - in a nice way.

Ég er feministi

Bara svo það sé alveg á hreinu. En það er samt skrýtið að orðið - eins frábært og það er - skuli fremur hafa á sér neikvæðan en jákvæðan blæ. Stundum hef ég verið feimin við að segjast feministi. Bara svona sagt það lágt - til þess að segja það - helst án þess að rugga neinum bátum. Ekki eins og ég væri stolt af því og stæði með mér sem feminista.

Þórunn Hrefna Sigurjónsdóttir, a.k.a. Tóta Pönk, var með þennan frábæra pistil um feminisma á ruv um daginn. Mig langaði mest til að kópera allan textann og birta hérna - en það er fullgróft. Smellið á linkinn, lesið pistilinn og spáið í þessu. Í dag klukkan 12  verða svo birtar niðurstöður launakönnunar VR. Mig langar að vera bjartsýn og glöð og segjast spá því að launamunur kynjanna hafi minnkað frá fyrra ári. Ég er ekki bjartsýn og glöð, heldur bara svartsýn. Og ég nenni ekki - eitt árið í viðbót -  eyða orku minni í rifrildi um næmni mælikvarðans og stýribreytur, og að launamunurinn sé ekki svona mikill og að þetta taki allt tíma og bla bla bla.

Ég ætla að halda mig við frábæru einkunnalíkinguna. Hvernig fyndist ykkur að stelpur fengju almennt lægri einkunnir en strákar fyrir verkefni og próf í skóla og að ástæðuna mætti skýra, á marktækan, viðurkenndan hátt, með kyni þeirra?

Ég er feministi og stolt af því. Og ef þið (eftir að hafa lesið pistilinn sem ég linkaði á) eruð ekki feministar - tjah, þá eruð þið í vondum málum.

Lifið heil.

Feministinn

Þegar skrattinn hitti ömmu sína

... varð heldur betur glatt á hjalla í litla kassanum.

Bitar & bæti

Hér á netmogganum má sjá að Samsung hefur kynnt nýja 16 megabita minnisflögu og að í kjölfarið muni fylgja bylting í vistun gagna. Gott og vel.

Getur hver sem er skrifað fréttir á netmoggann? Og er tölvufréttamannveran svo skyni skroppin og lítið upplýst um hvað hún er að gera að hún gerir ekki greinarmun á bita og bæti. 1 bæt = 8 bitar. Þetta vita grunnskólabörn. Og hvað í fjandanum er "minnisflaga*"?

Q.e.d.

Hmmm... bein þýðing af memory chip kannski? Fávitar.

That time of the year again...

Jei! Þann 26. september n.k. kemur West Wing, season 6, út hjá amazon í Bretlandi. Ég er skynsöm stúlka og búin að panta : ) Spurningin er bara hvort ég næ að hjóla eina umferð í gegnum season 1 - 5 fyrir þann tíma.

Fékk reyndar fyndnar fréttir áðan sem gefa til kynna að ég mun eiga meiri frítíma en ég bjóst við næstu tíu daga.

En fyrst - heimaverkefni #1 í stjórnun & líkönum. Alvara lífsins er byrjuð.

Hugmyndafræðileg úrkynjun

Stundum velti ég því fyrir mér hvað heimspekingar og siðfræðingar fornaldar hugsuðu ef þeir sæju hvernig velmegandi vesturlandabúar fara með allsnægtirnar, frítímann og frelsið sem þeir ráða yfir. Kannski hefur skilningur þeirra á mannlegu eðli verið það djúpur að þeir áttuðu sig á að flestir fullnægja lægstu hvötunum og leggja ekki í stórar siðferðislegar spurningar eða velja sér leið sem gerir kröfur um fórnir, sjálfsaga og sterkan siðferðislegan grunn.

Við höfum allt til alls og veljum okkur að liggja í sófanum og horfa á America's Next Top Model með hamborgara í annarri og kók í hinni.

Fyrir mér hefur Jay Leno lengi verið andlit skepnunnar, fulltrúi helsjúks hugsunarháttar, neysluhyggju, yfirborðsmennsku og flests þess sem mér þykir verst við viðbjóðslegt amerískt samfélag. Í gær tók hins vegar sjónvarpssálfræðingurinn Dr. Phil þennan sess Leno.

Áhyggjufull móðir: "Dr. Phil, ég hef svo miklar áhyggjur af því að sonur minn sé hommi."

Dr. Phil: "Svona nú, hvers vegna heldurðu að hann sé hommi? Hvað er hann gamall?"

Móðir: "Hann er ... gamall"*

Dr. Phil: "Já, það er nú fullsnemmt að hafa áhyggjur af því á þessum aldri, þetta kemur allt í ljós þegar hann nær kynþroska. Þá ÁKVEÐUR hann í hvora áttina hann hneigist. ÞÚ SKALT HINS VEGAR ALLS EKKI ÝTA UNDIR NEITT Í ÞÁ ÁTT, T.D. MEÐ ÞVÍ AÐ KAUPA HANDA HONUM BARBIE DÚKKUR EÐA ANNAÐ STELPUDÓT."

Hmmm... Nei, það er alveg öruggt að það að strákar hafi áhuga á að leika sér að "stelpudóti" gefur til kynna að þeir séu hommar. Gaman væri að heyra hvað þeir sem lesa þessa síðu og eru vel að sér í sálfræði hafa um þetta að segja.

Það er líka gott að í framhaldi af þessu munu forheimsku fótboltamæðurnar í Bandaríkjunum** að öllum líkindum stinga því bak við eyrað að ekki sé gott að litlir drengir leiki sér að "stelpudóti". Einmitt það sem við þurfum, strákar sem er kennt að "stelpudót" sé óviðeigandi og ekki fyrir þá. Ekki það að sem barni fannst mér  "stelpudót" lítið skemmtilegt og vildi frekar leika mér að Legó - oft frekar flokkuðu sem "strákadót".

Ætli ég sé lesbía?

*Heyrði ekki, en af samtalinu að dæma svona fimm, sex ára.

**Afsakið hrokann og fordómana - látum þá standa sem stílbragð.