v a n g a v e l t u r & v i t l e y s a

Kreditkortið og internetið

Stundum er mér ekki treystandi fyrir kreditkorti...

Thank you for ordering from Busted Tees!

Your Order ID is 110355.

Contents of Your Order
===
1x Scrolling Buckle in Men's Medium, Red ($29.99)

Shipping Method
===
Parcel Post (1-2 weeks)

Costs
===
Subtotal: $29.99
Shipping: $12.45
TOTAL: $42.44

n = 27%?

Einhvern tímann lærði ég, gott ef það var ekki í varmafræði, að nýtni bensínvéla væri 27%. Það er að segja að ef fræðilegt orkuinnihald einnar einingar af bensíni er einn, þá fer einungis 27% þessara orku í að knýja vélina en afgangurinn tapast við núning, sem varmi og eitthvað fleira.

Mér líður stundum eins og bensínvél.

27% af tímanum er ég nefnilega að gera eitthvað af viti. Vinna, einbeita mér að karateæfingunni, hlusta af athygli á þann sem ég á samræður við eða innbyrða það sem ég er að lesa. Afganginn af tímanum er ég svo að horfa út í loftið, láta misnota hausinn á mér með afburðaslöku sjónvarpsefni eða bara einfaldlega hangsa.

Vildi frekar vera eilífðarvél.

Bingó!

Setti hraðamet í íbúðakaupum í lok vikunnar. Það var þannig gert:

1. 16:10   Eign fundin á interneti
2. 16:30   Söluyfirlit komið á e-maili
3. 16:37   Eigandi sannfærður um að hinkra eftir mér og leyfa mér að skoða
4. 16:50   HMM sóttur á Heimsenda
5. 17:10   Lagt fyrir utan myndarlegt hús í Norðurmýrinni
6. 17:11   Eigandi opnar dyr. Eigandi og víraði álfurinn þekkjast
7. 17:12   Dyrnar að íbúðinni opnaðar
8. 17:12   Víraði álfurinn veit að hér mun hann búa
9. 17:30  Víraði álfurinn og HMM koma æst og óðamála í litla kassann
10. 17:40  Parið brunar á froskinum á fasteignasöluna
11. 18:10   Undirskrifað tilboð liggur fyrir

Að svo búnu verður hlé á atburðarrásinni, þar til klukkan 13:23 daginn eftir þegar seljandi skrifar undir. Vei!!!

Nýja heimilið sem hér eftir mun bera nafnið stóri kassinn hefur allt sem Víraða álfinn hefur dreymt um, s.s. baðkar, svalir, falleg gólf og fallegt eldhús, gamaldags lista í loftum og við dyr. Rúsínan í pylsuendanum er svo útleiguherbergi með eldhús- og baðaðstöðu sem fylgir og sér um að greiða af þriðjungi lánanna.

Hugsanlegt heimili?

Eftir smástund fer ásamt málara og húsasmíðameistara að skoða hugsanlegt framtíðarheimili mitt.

Sjarmerandi hæð & ris í bárujárnshúsi á réttum stað í Reykjavík. Illa farið en vonandi viðbjargandi. Vonandi...

Geisp

Hélt fyrstu verkefniskynninguna mína í vinnunni í morgun. Upphaflega var meiningin að þessi kynning yrði milli jóla og nýárs og síðan þá hef ég dundað mér við að herða kvíðahnútinn í maganum við tilhugsunina um að segja gömlum hundum í bransanum hvað mér finnst þeir eigi að gera.

Gekk eins og í sögu, allir glaðir, ég líka glöð. Og þreytt.

Iðnaðarverkfræðingur fer á nátturuverndartónleika

Fór í frábærum félagsskap góðra vina og fjölskyldumeðlima á náttúruverndartónleikana í höllinni í gær.

Notaði hléin milli laga til að ræða stóriðjustefnuna og náttúruvernd við sessunauta mína. Þessi umræða, sem sennilega hefur verið meira lifandi hér á landi undanfarin ár vegna Kárahnjúka en annars væri, er áhugaverð fyrir margra hluta sakir. Í gær minntu tónleikahaldarar á að ekki væri of seint að hætta við þessa risavöxnu virkjun. 

Ég veit ekki alveg með það. Er það ekki orðið of seint? Dettur fólki í hug að hér verði staðar numið og öll þessi gríðarlega fjárfesting afskrifuð? Mér finnst það barnaleg óskhyggja í besta falli en eiginlega bara heimskulegt.

Fyrir tónleikana var náttúruverndarstefnan rædd í þaula á heimili afmælisbarnsins Bryndísar Ísfoldar. Mál manna þar var að náttúruverndarsinnar berðust ekki strategískri baráttu og kynnu illa að velja sér orrustur. Málflutningar þeirra væri að auki oft á tíðum mjög tilfinningatengdur og þeim gengi illa að fá þá sem ekki fyndu fyrir náttúrutengingu á sitt band.

Mér finnst þetta áhugaverður punktur og hann kom upp í hugann á þessum frábæru, vel skipulögðu tónleikum í gær. Þeir vöktu athygli á málsstaðnum og þeir skemmtu fólki vel en hverju munu þeir skila? Kárahnjúkastífla er risin og álverið á Reyðarfirði verður senn að veruleika.  Hvort um er að ræða óafturkræfan glæp gagnvart náttúrunni veit ég ekki. Ég hafði aldrei heyrt um þetta svæði áður en ákveðið var að reisa stífluna og held að svo hafi verið með flesta. Undanfarin þrjú ár hef ég þrisvar farið og skoðað svæðið og afrakstur framkvæmdanna er einmitt sá að nú kemst ég þangað. Fyrir þremur árum var farin öræfasvaðilför á jeppa upp að svæðinu en í sumar fór ég þangað á Froskinum mínum.

Hmmmm... ég er eitthvað að missa þráðinn í þessu bloggi en það sem ég er að reyna að segja er að ég er hlynnt umhverfisvernd og því að menn finni aðrar leiðir til atvinnusköpunar en endalaus álver (þrátt fyrir að ég væri alveg til í að vinna í einu slíku einhvern tímann á ævinni). Í umræðunum í gær kom svo oft fram að það væru ekki náttúruverndarrökin sem væru þungvægust varðandi Kárahnjúka heldur hin hagfræðilegu og út frá þeim væri framkvæmdin mistök. Sammála því.

2006!

Gleðilegt ár lömbin mín :)

Nýtt ár að byrja eina ferðina enn. Hvernig getur tíminn liðið svona hratt?

2005 highlights:

• Karateferillinn hófst í janúar
• Höfuðborg heimsins var heimsótt í mars
• Ég & brósi keyrðum kringum landið að heimsækja Sóleyju sætu
• Ég fékk nýjar vinnur í júlí
• Karateæfingabúðir á Laugarvatni
• Ágúst var highlightmánuðurinn. Ég klifraði upp á Snæfell, vann Tekkenmót & eignaðist kærasta. Vei! Svo mætti ég líka í fyrsta skipti í HÍ sem kennari...
• Í september breyttist ég úr lyfjagúrú í hagamús
• Í nóvember varð ég fullorðin og hækkaði um fjóra sentimetra. Ég fór líka í óvissuferð um íslenskt heilbrigðiskerfi

Sumsé alveg prýðilegt. Dekkri hliðarnar voru erfið veikindi afans míns sem braggaðist sem betur fer og sú staðreynd að einn af vinum mínum vill ekki vera vinur minn lengur.

2006 verður örlagaárið. Víraði álfurinn ætlar að:

• Standa sig í vinnunni
• Marka stefnu í náminu
• Kaupa stærri kassa utan um sig & HMM
• Fara til framandi lands
• Vera góð við vini & vandamenn & njóta lífsins til fullnustu

Amen