v a n g a v e l t u r & v i t l e y s a

Svo mikil snilld

Dilbert er svo mikill snillingur - vissuð þið að það er hægt að fara á www.dilbert.com og fá hann sendan í tölvupósti á hverjum degi? Mæli með því.

Helstu fréttir dagsins eru þær að ég er búin að opna MS Word sjö sinnum í dag í staðinn fyrir Internet Explorer. Já, og kveðja Bjarna sem er að fara að gera góða hluti fyrir Google. Go Bjarni!

Saga dagsins

... er í boði Fanneyjar. Greðilegt ál!

?!

Afsakið mig, ég bara get ekki að þessu gert - mér finnst Þorgerður Katrín sem karlmaður mjög foxy.

Hvað er að mér?

***

Nýja vinnan frábær og ég á fullt af nýjum græjum. Meira um það síðar.

Belja í fangelsi...

(Ó)ljós - hrakfallasaga úr 101

Sé vond lykt af mér þessa dagana á það sér eðlilegar skýringar. Nefnilega þær að verið er að mála íbúðina mína svo ekki get ég farið í sturtu þar. Í málningarstússinu hef ég neyðst til að flytjast úr 101 í 107 þar sem við Bismark gætum íbúðar stóra bróður. Þar er hins vegar verið að múra baðherbergið og af þeim sökum heldur ekki hægt að fara í sturtu. Þrisvar í viku fer ég alla jafna í sturtu í Þórshamri* en ... þar er verið að gera við sturturnar þessa dagana.

Eftir að hafa sleppt minni ómissandi morgunsturtu í gær og þvegið hárið á mér í eldhúsvaskinum hugsaði ég mér gott til glóðarinnar að bregða mér í ljós eftir karateæfingu gærkvöldsins. Ekki dugði minna en að blása til hópferðar og við Ragnhildur ákváðum að hittast rúmlega níu á sólbaðsstofunni á Rauðarárstíg. Yours truly var glæsilega klædd í karatebuxur og hvítan stuttermabol og mjög fersk eftir góða æfingu.

Þegar á Rauðarárstíginn var komið reyndist vera búið að loka Sólbaðsstofunni Bliss. Nú voru góð ráð dýr. Stúlkurnar mundu eftir sólbaðsstofu rétt við Austurvöll og ákváðu að bruna þangað. Engin stæði reyndust í nágrenninu svo ákveðið var að keyra í Fenin til að komast í Toppsól.

Toppsól er örugglega löngu flutt og helv... gatnakerfi er þannig að í stað þess að taka strikið niður í bæ voru stúlkurnar í Froskinum allt í einu á leið í Breiðholtið.

"Mjóddin" sagði Ragnhildur, "þar hljóta að vera einhverjar sólbaðsstofur." Stefnan var því tekin þangað - en viðsjált gatnakerfið sá við okkur svo við vorum allt í einu á leiðinni í Smárahelvítið.

"Hey, ég veit m.a.s. um sólbaðsstofu í Lindunum" sagði ég sigri hrósandi og við þangað. En nei, þar var eins og hálfs tíma bið að komast í bekkina svo við lögðum aftur í hann og rákum eiginlega strax augun í skilti annarrrar sólbaðsstofu. Þegar þangað var komið var líka allt upptekið svo... við hringdum í 118 til að fá númerið og panta tíma í 101 ljós, stofunni við Austurvöll sem við höfðum í flónsku okkar keyrt fram hjá fyrr um kvöldið.

Við komumst þangað tiltölulega áfallalaust - en engin stæði. Eftir kortersrúnt var tekin ákvörðun um að reyna að troða Froskinum í eina stæðið í póstnúmeri 101, með þeim árangri að Froskurinn ýtti aðeins í bílinn fyrir aftan. Til allrar hamingju skemmdist ekkert nema egó bílstjórans.

Klukkutíma eftir að upphaflega átti að fara í ljós, lögðust Sigurlína og Ragnhildur í bekkina á 101 Ljós. Ekki fór betur en svo að Sigurlína er illa brennd á viðkvæmum sitjandanum.

Mórall sögunnar: Maðurinn á efri hæðinni hefur einkennilegan húmor.

*þessar þrjár sturtur bætast við sjö reglulegar morgunsturtur - ég er ekki sóði.

Einkahúmor

Birna: "Spáðu í að bæði Marvin Gaye og Michael Bolton eru að koma..."

Lína (ögn skömmustuleg): "Ég er nú að spá í að fara á Michael Bolton."

Birna (höst í málrómi): "Lína, þú ert hætt með Bigga!"

Skemmtilegur skyldleiki

Ég hafði ekki áttað mig á tengingunni milli tilgangslausu loðnu teninganna sem fólk, af einhverri afskaplega einkennilegri ástæðu, festir á baksýnisspegilinn í bílnum sínum, og ubersvala töfrateningsins hans Rubiks.

Mér finnst pínulítið eins og ég hafi komist að því að Einstein og Frankenstein hafi verið frændur.

Dilbert er alltaf skemmtilegur

Kosmísk kaldhæðni

Var að tuða yfir auknu mittismáli og nauðsyn þess að kaupa stærri föt við Sóleyju þegar henni datt það snilldarráð í hug að sækja handa mér gallabuxur og stökk út.

Í fjarveru hennar greip ég Blaðsnepilinn og renndi í gegnum hann á mettíma.

Stjörnuspáin var: "Í dag ættirðu að byrja í ræktinni..."

Ég er í ræktinni! Þetta er ekkert fyndið.

Muahahahaha